Pro Volleyball khelhna tur Chawnpui Sports Centre

Suzuki Gixxer Pro Volleyball League khelhna hmun tur sawn a ni a, a hun ti danglam loin Chawnpui Sports Centre, Chawnpuiah khelh a ni dawn ta zawk a ni.

Ruahmanna hmasa berah chuan PVL hi March 20 aṭangin R. Dengṭhuama Indoor Stadium, Mualpuiah khelh tum a ni a, MP inthlan avangin a hmun hman theih a ni lo.

April 16 aṭangin Hawla Indoor Stadium, Republic Vengthangah ruahmanna an siam. Mahse, Mizoram Basketball Association lamin an hmunhma humhalh an duh avangin a rem leh ta lo. Chawpchilh takin Chawnpui Sports Centre-ah sawn a ni - April 16 aṭanga May 16 chhung khelh a ni ang.

Pro Volleyball vawi linaah hian mipa team ṭha pasarih - Hunthar, Tuichangral, TNT, Durtlang North, Anastasia Electric Veng, Chanmari West leh Chhinga Veng Spikers an inel dawn a, anni hian Under 18 team nei vekin league an khel dawn bawk. 

A vawi khat nan hmeichhe league a awm nghal dawn bawk a, team ṭha pali - Kanan, Bungkawn, Durtlang leh Bethlehem Vengthlang an inel dawn a ni. Season dang ang bawkin team tinin cheerleaders an nei leh dawn.

April 16, Thawhlehni zana khelh ṭan tur PVL season 4 match hmasa berah hian Chanmari West leh Durtlang North an inhmachhawn dawn a ni.



Share this Post

Login to comment
No Comments