ODI record siam chungin England an chak

England chuan one day international-a run siam tam ber record siam chungin Australia chu run 242 ngawtin an sawp a, run 481 ngawt an vaw chhuak.

Ram pahnih hian ODI series an khel mek a, match nga khelh tura match thum an khelh tawhah England an la chak vek avangin match hnih khelh tur la awm mah se series an la chiang tawh.

England tan hian Alex Hales chuan run 147 ngawt siamin Jonny Bairstow chuan run 139 a siam ve bawk a, Jason Roy (82 runs) leh Eoin Morgan (67) ten an thawh hlawk viau bawk. Over 50-ah run 481 siamin wicket ruk chiah an hloh.

Australia lam hian theihtawp chhuah mah se over 37-ah run 239 bak an tlin lo a, an tlawm chiang hle. England hian 2016 khan Pakistan lakah 444 siamin record an lo siam tawh a, Thawhlehni zana record an siamna vek Trent Bridge-a an siam bawk a ni!



Share this Post

Login to comment
No Comments