Serena season a tawp

Hmeichhe tennis player player zinga hlawhtling bera ngaih Serena Williams chu tun season chhung a inkhel thei tawh dawn lo. Grand Slam vawi 23 champion tawh hian nau a pai a, favangah a fa hmasa ber tur hi a neih beisei a ni.

Kum 35-a upa Serena hian kumina Grand Slam hmasa ber Australian Open nomawi a chawi a, nimin khan a mimal thupuangtu chuan Serena rai thu hi a sawi chiang. Melbourne-ah khan Serena hian a khupah hliam a tuar a, hemi hnuah court chhungah a la inlan leh lo.

World number 1 hlui Victoria Azarenka chuan nikum December khan a fa hmasa ber a lo hring tawh a, July thlaah chuan a inkhelh leh theih tawh beisei a ni. Kum 2009 US Open champion Kim Clijsters pawh in fa a neih aṭanga thla 18 hnuah a Grand Slam nomawi hmasa ber a lo chawi tawh.



Share this Post

Login to comment
No Comments