Delhi ngam loh Hyderabad

Hyderabad khawpuiah hnehna chan ngei tumin Delhi Daredevils lenglut mah se Sunrisers lakah run 15-in an tlawm a, run 89 siamtu Kane Williamson chu Hyderabad tan chakna hnar a ni.

Nilaini zan inkhelah Hyderabad an bat hmasa zawk a, opener leh captain ni bawk David Warner chu run li chauh a siam tihin out mah se tun hnaia beisei phak lo Shikhar Dhawan-a'n a thiam a la theihnghilh lo tih pholangin run 70 ngawt a vaw chhuak. New Zealand captain Kane-a'n run 89 siam ve bawkin hmun himah Hyderabad an hlangkai a, over 20-a an run siam zat chu 191 niin wicket li chiah an hloh.

Delhi bat hun a thleng a, opener Sanju Samson-a'n run 42 vaw chhuakin bul ṭan ṭha viau mah se run 50 siama a tawp thleng dam Shreyas Iyer bak batsman dang zingah che ṭha tia sawi tur an awm lo a, over 20-ah run 176 siama wicket nga hlohin a tlawm zawkah an ṭang ta a ni.

Zanin dar 8:00-ah inkhel pakhat a awm dawn a, Kolkata Knight Riders leh Gujarat Lions an inhmachhawn ang.



Share this Post

Login to comment
No Comments