Hlawh lak tum lo Redknapp!

Birmingham City manager thar Harry Redknapp chuan a club thar chu Championship-ah a inhamtan pui zo lo a nih chuan a hlawh lak a tum loh thu a sawi! 

Championship-ah club 24 an awm a, a hnuai lam pathum chu League One-a tla thla tur an ni. Birmingham hian 20-na dinhmun luah mekin relegation zone aṭanga an himna chu point thum chauh niin match thum chiah khelh tur a awm tawh.

Redknapp chuan, "Bonus dawn tur pawh ka nei a, sum tam tak erawh a ni lo. Mahse, club neitute hnena ka hrilh chu Championship-ah ka inhamtanpui lo a nih chuan hlawh lak loh ka duh zawk thu a ni," tiin a sawi a, a inringtawk hle.

Tottenham Hotspur boss hlui hian season hmasa khan Derby County-ah adviser hna a lo chelh tawh a, hetihunlai pawh hian playoff a hruai thleng lo a nih chuan hlawh lak a duh loh thu Derby hotute hi a lo hrilh tawh niin a sawi.



Share this Post

Login to comment
No Comments