Armed Veng South tan Laldawngliana

NECS Cup 2017 quarterfinal chu Inrinni aṭang khan khelh ṭan a ni a, inkhel hmasa berah Armed Veng South chuan Ramhlun North 2-0 in an hneh nghal.

Lammuala inkhelah Armed Veng South-in C. Laldinmawia goal hmangin hma an hruai a, hun tawp dawnah Republic Veng laka chakna goal khungtu Laldawngliana Colney chuan an goal hnihna a khung leh bawk. Inkhel hnuhnung zawkah Aizawl khawpui pawn team ṭha Thingsulthliah leh Mizoram Premier League club nei veng Ramhlun South te chu 2-2 in an inhnehtawk thung.

Vawiin hian inkhel pahnih a awm leh ang, chawhma dar 11:00-ah Electric Veng leh Sihphir Venghlun an inkhel dawn. Sihphir hian Mission Vengthlang leh Lengpui hnehin quarterfinal an lut, Electric Veng tan zuam sual theih tur an ni.

Chawhnu dar 1:00-ah fans nei ṭha veng pahnih Chhinga Veng leh Bawngkawn te inhmachhawn tur hi a hmuhnawm ang. Bawngkawn hian MPL lama tawnhriat nei ṭha MS Dawngliana an nei, Chanmari FC forward hlui Dawngtea hian last 16-a Chawnpui an hneh ṭumin goal hnih a khung avangin Chhinga Veng tlarhnung tan ven uluk ngai bik tur a ni ang.

Inrinni Inkhel Results

Ramhlun North0 - 2Armed Veng South

ARS : C. Laldinmawia 32'; Laldawngliana Colney 86'

Rin Rin MoM : Lalruatpuia, Armed Veng South

Thingsulthliah2 - 2Ramhlun South

THI : Lalfelpuia 59'(P); KT Vanlalhruaia 82'

RAS : Vanlalthlamuana 45'; R. Lalthanmawia 86'

Rin Rin MoM : KT Vanlalhruaia, Thingsulthliah

Vawiin Inkhel Tur

11:00 AMElectric VengVsSihphir Venghlun

01:00 PMChhinga VengVsBawngkawn



Share this Post

Login to comment
No Comments