Torino leh Inter inhnehtawk

Inrinni zan serie A inkhelah Inter Milan chu Torino nen 2-2 in an inhnehtawk. Inkhel dangah AC Milan chuan goal khat faiin Genoa an hneh ve thung.

Torino tan Daniele Baselli leh Afriyie Acquah ten goal an khung a, England goalkeeper Joe Hart chetsual vangin Geoffrey Kondogbia leh Antonio Candreva ten Inter Milan tan goal khat ve ve an khung bawk.

Inter hian league match 29 an khelh aṭanga point 53 hmuin table-ah pangana an ni a, Champions League khel thei dinhmuna ding mek pathumna Napoli chu point ngain an phak lo mek.

Season thara Europe-a inlan tum AC Milan chuan Matias Fernandez goal khat hmanga Genoa hnehin league table-ah parukna an luah.



Share this Post

Login to comment
No Comments