Federer leh Wawrinka an tlang

Roger Federer-a'n Australian Open nomawi a chawi hnua a tournament hmasa berah final a lut leh nghal. Grand Slam vawi 18 champion tawh Federer hian Inrinni zan khan Jack Sock chu 6-1, 7-6 (7-4) a hnehin BNP Paribas Open semifinal a paltlang.

Semifinal inkhel dangah Stan Wawrinka chuan Pablo Carreno Busta lakah 6-3, 6-2 in hnehna a lo chang ve bawk. Swiss star pahnihte hi nizan zanlai khan nomawi inchuhin an inkhel zui a, result kan hre hman lo.

Federer leh Wawrinka te hi vawi 22 an inhmachhawn tawh a, Grand Slam vawi thum champion tawh Wawrinka hian ṭum thum chiah hnehna a la chang - a bak zawng chu Federer chanpual a ni.



Share this Post

Login to comment
No Comments