Leipzig mumang a thamral?

Bundesliga kaithar RB Leipzig-in an season khatnaah German league sang bera nomawi an beisei ngam nghal a, mah se Inrinni zanah Zlatko Junuzovic, Florian Grillitsch leh Florian Kainz te goal hmanga Werder Bremen 3-0 a an ngam loh avangin champion beiseina a thamral chho mek.

Leipzig hian point 49 hmuin league table-ah pahnihna la ni mah se hmahruaitu Bayern Munich an phak lohna chu point 10 zet a ni tawh a, Bayern hian match khatin an khel tlem bawk.

Inkhel dangah Hoffenheim chuan season thara Champions League an beiseina chhawm nung turin Bayer Leverkusen 1-0 in an hneh. Zirtawpni zan inkhelah Borussia Dortmund chuan Pierre-Emerick Aubameyang-a goal khat khung hmangin Ingolstadt an hneh.

Cologne tan Anthony Modeste chuan hattrick siamin Hertha Berlin lakah 4-2 in a club chu hnehna a chanpui, French striker hian Bundesliga season kal mekah goal 22 a khung tawh.



Share this Post

Login to comment
No Comments