Nice an chelh

French Ligue 1 nomawi chawi tum zinga tel phak Nice chu Inrinni zan khan Nantes nen 1-1 in an inhnehtawk a, nizana an elpui Paris St-Germain leh AS Monaco te inkhel result a zirin league nomawi hlat sawt thei dinhmunah an ding.

Nice hian hliam vangin Alassane Plea, Wylan Cyprien leh captain Paul Baysse te an chhawr thei lo a, inkhel ṭan aṭanga minute 22-naah Emiliano Sala an ven hneh loh vangin goal an chhuah. Goal an phurh aṭanga minute ruk hnuah Nice hian Jean Michael Seri hmangin an sut a, goal dang a lut tawh lo.

League match 30 an khelh tawh aṭangin Nice hian point 64 hmuin table-ah pathumna an ni a, pahnihna PSG nen an inkarah point khat a awm - hmahruaitu Monaco erawhin point 68 an hmu tawh thung.



Share this Post

Login to comment
No Comments