AFC Ticket Rs 100 & Rs 200

Aizawl FC-in Zirtawpni tlai 1:30 hian RG Stadium, Mualpuiah coach thar Khalid Jamil-a hnuaia I League match hmasa ber an khel dawn. MPL club khingpui tur hi I League club thar Minverva Punjab an ni a, AFC hi chak tura rinkai an ni.

Tun season I League match hmasa ber en theihna tur ticket chu zawrhchhuah a ni tawh a, en man hi Rs 100 leh Rs 200 a ni ang. Aizawl FC hian tun season-ah supporter ṭha zawk an neih theih nan ruahmanna an siam a, away match bikah phei chuan lawmman an siam.

Khawpui hrang hrang Kolkata (West Bengal), Ludhiana (Punjab),  Chennai (Tamil Nadu), Mumbai (Maharashtra), Shillong (Meghalaya), Pune (Maharastra), Margao (Goa) leh Bengaluru (Karnataka) an tlawh huna Mizo supporter ṭha tan lawmman an siam.

Entu ṭha ber Mizo Welfare-in Rs.20,000 an dawng ang a, pahnihna leh pathumna ten Rs 10,000 leh Rs 5,000 an dawng bawk ang. Home match atan ruahmana hranpa siam a la ni lo a, amaherawhchu Mizo mipui tan I League-a Mizo club awmchhun ṭawiawm hi a mawi a ni.

Ticket Zawrhna

1. Raw Digital, Near Vanglaini Office, Zarkawt

2. Aizawl FC Merchandising Center, Bazar Bungkawn, Dawrpui.

3. Stalwart, Opposite Mission Veng Bus Stand.

4. Din Din Pharmacy, Khatla kawn.

5. Emanuel Store, Near Greenwood Hospital, Bawngkawn.



Share this Post

Login to comment
No Comments