Porto nge Basel?

Zanin dar 1:15-ah FC Porto-in Swiss champion FC Basel an lo mikhual dawn. St. Jakob-Park, Basel-ah 1-1 in an inhnehtawk a, zanina an khelh tur hi last 16 second leg a ni.

Porto khelmual Estadio do Dragao-a inkhelah goal awm loa an inhnehtawk a nih chuan Portuguese club-in quarterfinal an lut ang. Goal a awm erawh chuan Basel dinhmun a ṭha thei tlat, www.vanglaini.org a tawi zawngin Champions League-ah away goal rule hman a ni.

Porto hian tunhnai match nga an khelhah chak loh hmel vawikhatmah an hmu lo - vawi li chakin vawi khat draw result an hlawh chhuak, an inhnehtawk pui hi zanin a an tum tur Basel hi an ni.

Basel an draw hnu hian Portuguese Primeira Liga-ah match thum an khel leh tawh a, Porto-in hnehna an chang fai vek.

Swiss club an khel chhe bik lo, tunhnai match vawi nga an khelhah vawi thum an chak a, vawi khat an chak zo lo a, vawi khat draw result an nei bawk.

FC Porto leh Basel te hi tun hma in Champions League-ah an la intawng ngai lo a, first leg-a 1-1 a an in draw kha an intum hmasak ber a ni.

Porto hian Basel aiin goal khung an awlsam zawk a, tun season Champions League-ah hian goal 16 an khung tawh laiin Basel hian goal sarih chiah an la khung.


Share this Post

Login to comment
No Comments