Set nga hnuah Fery a dingchang

Thawhṭanni zan Wimbledon round of 16-ah Grigor Dimitrov leh Arthur Fery te an inhmachhawn a, inkhel hmuhnawm takah set nga an khelh hnuin 7-5 3-6 4-6 6-4 7-6 (10-7)-in Fery a chak ta zawk a, inelna kal mekah British player la dam awmchhun a ni zel.

World no. 114-na Fery hi Wimbledon-a a vawi khat inlanna a ni a, set linaah vawi hnih zet serve a hloh hnuah a rawn kir leh a, rilru fim tak nen hnehna a chang a. Sang tak thlen thei turin theihna a nei tih a lantir.

Kum 23 mi Fery hi British zingah wildcard hmanga Grand Slam quarterfinal thleng thei hmasa ber a ni a, kum 12 chhung Wimbledon mipa quarterfinal tling thei zinga rank hniam ber a ni bawk.

Fery chuanm "He tiang thil hi ka la ngaihtuah phâk ngai lo, kar hmasa kha chuan hetah hian inkhel inkhel ṭhenkhatah ka chak hrim hrim a nih chuan ka lawm tawk tawh viau. Vawi li zet hnehna changa, hetiang chen ka thleng thei hi chu mumang ang mai a ni." a ti.

Zanin dar 7:10-ah Fery hi a inkhel leh nghal dawn a, Flavio Cobolli nen an inhmachhawn ang. Italian player Flavio Cobolli hi seeded no. 9 a nih avangin Fery tan a awlsam dawn lo.