French Open - Zverev-a ṭahna leh hlimna!

Alexander Zverev-a'n French Open title a la ve ta a, German tennis player chuan, "He court hi ka tan chuan kawng tinrengah hmun danglam bik a ni.

"Ka hun tawn hlimawm ber leh hrehawm ber ka lo tawn tawhna hmun a ni," a ti - he hmunah hian Zverev hi vawi thum ngawt semifinal-ah a zinkawng a lo tawp tawh a, final-ah a tlawm tawh bawk.

Kum 2022 semifinal-ah phei chuan tennis legend Rafael Nadal nen semifinal-ah inhmachhawnin, hliam vangin a inkhel zo thei lo a, wheelchair nen court a chhuahsan.

Zverev hi rei tak a inlan thei lo zui a, a career-a a inhliam rei ber a ni hial. Mahse, tunah chuan a hun tawn harsate chu inchhuang tak chungin a thlirkir a, Zverev chuan, "Kum li liam taah kha chuan, hliam na tak tuarin he court kil khatah hian ka awm a nih kha.

"Kum hnih liam taah khan Grand Slam final he hmunah hian khelin ka tlawm bawk. Mahse, tunah chuan hlim takin ka thawnthu chu a tawp ve ta," a ti a, a career-a a vawi khat nana Grand Slam title a la thei chu a hlim hle.