A bul ṭanna chauh - Cobolli

French Open 2026 final-ah mi tam takin Italian tennis star hmuh an beisei a, hmuh an tum erawh final-a chak zo ta lo Flavio Cobolli ni loin, Jannik Sinner a ni.

Mahse, beisei loh zawk Cobolli-a'n final a lut a, a Grand Slam final luh hmasak ber a ni - kum 24 miin French Open hmaa Grand Slam-a a thlen san ber chu kum 2025-a Wimbledon Quarterfinal a thlen kha a ni a, a tan chuan French Open final luh hi a ropui thlawt.

Cobolli chuan, "Kum naupang tê ka nih aṭangin tennis ka khel ṭan a, vawiin ang hun ka tawn hi ka beisei phak lo," a ti a, final-ah chak zo lo mah se, a thlen chin chu ropui a tih thu a sawi.

Italian star chuan sawi zawmin, "Mahse, tunah chuan hei leh chen ka kal ta sa sa, hriatreng tawh tur hnutchhiah ka duh a ni. Hei hi ka tawpna tur a ni lo a, a bul ṭanna chauh a la ni e," a ti - tennis khawvelin Cobolli hmuh zel an beisei ang.

Florence, Italy-a piang Cobolli hi a naupan lai chuan Italian club lar AS Roma Academy-ah a awm ṭhin a, mahse, tennis lama kal duhin, football hi a thlah ta zawk a ni.