Pawm harsa ka ti - Gilmour

Billy Gilmour chuan khup hliam vangin World Cup a khel thei dawn lo a, kum 24 mi chuan a hun tawn chu pawm harsa a tih thu a sawi. Scotland hian kum 1998-a World Cup an khelh hnuah kuminah an inpetling leh chauh.

Napoli midfielder Gilmour chuan, "Naupang lai aṭanga ka duhthusam chu World Cup khelh a ni a, ka duhthusam pawh ka hnaih ve hle. Mahse, hliam vangin ka khel thei dawn lo a, ka chunga thil thleng hi pawm harsa ka ti," tiin a sawi a, an ram Scotland a thlawp tlat tur thu a sawi.

Scotland hian kum 1998-a World Cup an khelh hnuah kuminah inelna hmachhawn turin an tling leh chauh. Gilmour aiah Manchester United rawlthar Tyler Fletcher dah luh a ni a, Darren Fletcher-a fapa Tyler hi kum 19 mi chauh a ni.

Andy Robertson-a captain-na hnuaia khel Scotland hi group C-ah Haiti, Morocco leh Brazil nen an awm ho a, inelna an hmachhawn hma hian Bolivia nen June 6, Inrinni zan dar 1:30 hian friendly match an khel ang.