French Open quarterfinal-ah Indian tlangval

Indian tennis player N. Sriram Balaji leh Brazilan Marcelo Demoliner te chuan Thawhṭanni khan, German pahnih Kevin Krawietz leh Tim Puetz te chu darkar khat leh minute 25 chhungin 7-5, 6-4 in an hneh a, French Open mipa doubles quarterfinal an lut.

Kum 36 mi Balaji hi a vawi khatna atan Grand Slam quarterfinal a thleng a, a career-a thil chhinchiahthlak a ni. Tawnhriat nei ṭha Yuki Bhambri a tlak tak hnuah Balaji hi Indian zinga kumin French Open-a la dam awmchhun a ni.

Tamil Nadu chhuak Balaji leh Demoliner te hian vawiin hian semifinal-ah seeded no. 2 Harri Heliovaara leh Henry Patten te vawiin an hmachhawn dawn a, hmabak a harsa dawn.

Balaji hian a tennis zinkawng a zawh tirh khan Germany-ah training a nei ṭhin a, Indian tennis player tam zawkten grass court leh hard court khel thiam zawk mah se Balaji erawh clay court-ah a ṭha zawk. Paris Olympic 2024-ah pawh khan India aiawhin Balaji hi Rohan Bopanna nen an inkawp a, tun ṭuma an inkhelhna hmunah hian inelna hi an hmachhawn.

Coimbatore-a piang leh sei lian Balaji hian ram aiawhin Davis Cup-ah vawi tam tak a inlan tawh a, doubles match pawimawh tak takah hnehna a lo chang tawh bawk.