Beisei pha lo Fiorentina

Thawhṭanni zan Serie A inkhelah Fiorentina chuan 3-0 in Udinese an ngam lo a, an hnuaia mite chak loh zarah 16-naah an awm hram a, relegation zone-a awm Lecce nen an point hmuh zat a inang.

Udinese tan Christian Kabasele, Keinan Davis leh Adam Buksa ten a chhanletna tur an nei ve lo a, khualmualah an mualpho.

Fiorentina-in goal zawnah vawi khat mah an pet lo a, an player te an nung lo hle. Mimal takin David De Gea a che ṭha a, mahse Manchester United keeper hlui hian a team a chhanhim zo bik lo.

Season hmasaah Fiorentina an vul a, table-ah pasarihnaah awmin Conference League khel turin an inpet tling. Mahse season tharah beisei phak bakin an che chhia a, relegation zone luahlumtu an ni.

An match hnuhnung pahnihah chak mah se an hlim chhung a rei lo. Serie A-ah match 11 chauh khelh tur a awm tawh a, club lian an la hmahchhawn nual dawn a, Fiorentina an harhchhuah loh chuan relegate thei dinhmunah an ding.