Habib Beye-a'n Aubameyang a fak

Marseille coach thar Habib Beye chuan an forward Pierre-Emerick Aubameyang chu fakin, tun hnaia a chetṭhat chhan chu a thawhrim rah a nih thu a sawi.

Senegalese coach chuan,"Auba hian game-ah a rilru a pe a, minute 90 khel chhung a khelh pawhin a ṭang em em reng a, goal a khung hi a mak hran lo, a thawhrah ve reng a ni," tiin Gabon forward a fak.

Chelsea leh Barcelona tan pawha lo khel tawh Auba hian tun season Ligue 1-ah goal riat a khung tawh a, kum 36 mi ni ve tawh mah se Aubameyang hi Mason Greenwood nen inkawpin, team tan an ṭangkai hle.

Tun season-ah Marseille hi an che chhe hran lo a, mahse 5-0 laia Paris Saint Germain an hneh loh hnuah Champions League aṭangin pet chhuah an ni a, Febraury 11 khan head coach Roberto de Zerbi an ban. A aia Habib Beye la lutin, Senegalese coach hnuaiah harhtharna chan an tum chho mek.

Zanin dar 1:30-ah Marseille hian Toulouse an mikhual dawn a, French Cup semifinal luh an inchuh dawn. Habib Beye naute'n French Cup chiah nomawi beisei tur an neih tawh avangin chak ngei an tum dawn a, Greenwood leh Auba te an pawimawh leh dawn.