Game duhthusam a ni - Lazar Samardzic

Atalanta midfielder Lazar Samardzic chuan UCL playoff-a Borussia Dortmund an hneh chu, 'Game duhthusam' a ni tih sawiin, team an phur phah hle niin a sawi.

Kar hmasa khan Atalanta hian Dortmund an lehthal a, last 16 khel turin an inpetkai. He match-ah hian Samardzic a khel ṭha hle a.

Serbian Samardzic midfielder chuan,"Game duhthusam a ni. Ṭan lam nei lo tan a hmuhnawm khawp ang. Dortmund hi club lian tak an ni a, first leg-ah kan chak loh avangin presurre pawh kan nei.

Mahse kan theihtawp kan chhuah a, fan-ten min puih ṭhat bawk avangin hnehna kan chang thei. Kan chak avang khan kar tluanin boruak a ṭhat phah a, kan inkhelh leh turah pawh inrintawkna nasa tak min pe a ni," a ti.

Atalanta hi zaninah Coppa Italia-ah an inlan dawn a, dar 1:30-ah Lazio nen final luh an inchuh dawn. Atalanta hian an match hnunhung berah Sassuolo an hneh lo a, chak loh nawn an duh tawh dawn lo.