Brighton-in Forest an hneh

Sean Dyche hoa indinthar tum mek Nottingham Forest chu mumang ram aṭanga kaih thawhin an awm a, Brighton & Hove Albion chuan Pathianni zan khan 2-0 in an hneh.

Forest hian season hmasa khan table-a pasarihna ni chungin season an khar a, kum 29 hnua a vawi khat nan European football-ah an kir hial.

Mahse, beisei angin thil a kal lo. Season hmasaa chet ṭhat puitu coach Nuno Espírito Santo leh club neitu Evangelos Marinakis inhmuh thiam loh avangin Nuno an ban a, Ange Postecoglou an la lut.

Tottenham Hotspur coach hlui ho hian inelna hrang hranga match riat an khelhah chak an nei lo a, an ban leh! Sean Dyche an la lut zui a, English coach hoin an league match hmasa pahnihah point khat chiah an hlawh chhuak.

Mahse, Forest hian Leeds United (3-1) an hneh hnuah champion lai Liverpool chu Anfield-ah 3-0 in an sawp zui a, an boruak tawn a sang chho hle. Mahse, Brighton-in a tak ram an lo tem tir.

Mikhual Brighton hian first half hun pek belhah Maxim de Cuyper hmangin goal hmahruai an khung a, kum 19 mi Greek striker Stefanos Tzimas chuan minute 88-naah chak nemnghehna goal a khung bawk.

Brighton-in hnehna an chan avangin table-ah panganaah an chho a, Forest erawh 16-naah awmin, relegation zone-a awm Leeds United aiin point khat chauhin an sang.