Beisei neitu Rublev

Andrey Rublev hian Grand Slam quarterfinal vawi 10 a khel tawh a, mahse a la paltlang miah lo! Russian star hian Wimbledon khelh laiah result ṭha a nei chho zel a, kum dang ang lo takin thlen san theih pawh a inbeisei.

Seeded 14-na a ni a, a langsar zinga mi chu a ni phak - Rublev hian Court Three-ah Lloyd Harris chu 6-7(1), 6-4, 7-6(5) 6-3 a hnehin third round a lut, a match lehpekah chuan Adrian Mannarino a hmachhawn ang.

Kum 27 mi Rublev chuan, "Tunah chuan ka khelh dan phung pawh a danglam a, tun hma ai chuan ka nghet ṭha tawk tawh hleah ka ngai, chutihrualin player dangte pawhin hma an sawn a, an ball vuak a nain service ṭha tak an nei hlawm.

"Inelna lianah sulhnu ka nei ṭha tawk lo tih ka hria, hei hiam min ti hnual mai tur erawh a ni bik lo. Kum thum liamta a ka inkhelh dan nen kha chuan nasa takin hma ka sawn tawh," tiin quarterfinal aia sang thlen theih a inbeisei thu a sawi.