Last 16-ah Srikanth a lut

Badminton inelna Canada Open 2025 khelh laiah Kidambi Srikanth chuan last 16 a in vaw kai. India tlangval hian Priyanshu Rajawat hnehin a thiam zual zingah a inhlangkai a, a hmabak chu Wang Po-Wei a ni ang.

Markham Pan Am Centre, Ontario-a inkhelah Srikanth hi awlsam takin a chak mai bik lo - minute 53 an inkhelh hnuah 18-21, 21-19, 21-14 in a chak, game hmasa ber hloh mah se a hnuhnung pahnihah a chungnung zawk.

Kar hmasa lawka US Open champion Ayush Shetty erawh a chak lo. India tlangval hi seeded pangana a ni a, a khingpui Sankar Muthusamy Subramanian lakah 23-21, 21-12 in a chak lo; Sankar hian Huang Yu Kai a tum ve leh thung dawn a ni.

Mixed doubles lamah pawh India an che fuh lo, seeded pakhatna Dhruv Kapila leh Tanisha Crasto te ṭangdun chu Ruben Garcia leh Lucia Rodriguez te ṭangdun lakah 21-15, 21-19 in an chak lo.