CYMA Futsal : Team 6 inziaklut tawh

Central YMA leh Mizoram Football Association ṭangkawp chuan July 28, 2025-a ṭan turin LBS Suzuki 1st Inter Branch YMA Futsal Tournament 2025 a buatsaih dawn a, team parukin entry fee an pe tawh.

Ramhlun Venglai, Tlangnuam, Tanhril Vengthar, Venghlui, Ainawn leh Edenthar ten entry fee an pe tawh a, inelna hi Branch YMA inelna a nih miau avangin CYMA Futsal hmasa berah hian team 50 chuang tel thei tura beisei a ni.

Mizoram Football Association-in kuminah CYMA Futsal chauh futsal inelna an buatsaih dawn a, tun season-a inelna tam zawk erawh nakkum lama buatsaih turin an dah. January 2026-ah Division One Season Opening khelh a ni ang a; February leh March, 2026-ah Futsal League leh Veteran khelh a ni ang.

Division One Season Ending hi May 2026-ah khelh tum a ni a, May thla vek hian Inter School Futsal inelna buatsaih tum a ni bawk.