Liverpool chief executive a chhuak dawn

Premier League champion Liverpool chief executive Peter Moore chuan Merseyside-ah kum thum hun a hman hnuin a chhuahsan dawn a, Billy Hogan chuan a thlak ang. 

Peter Moore-a'n Reds-a hun a hman chhungin Premier League, Champions League leh FIFA Club World Cup nomawi an chawi hman a, Liverpool hmasawnna kawngah tha a thawh hlawk hle. 

Technology firm lar Sega, Microsoft , EA leh infiamna thawmhnaw siamtu langsar Reebok tana thawk ṭhin Moore chuan, "Nomawi kan chawi zawng zawng te hi chu manager, player leh staff-ten an thawhchhuah a ni a, fakna zawng zawng hi an phu a ni. He hmuna ka hun tawn zawng zawng hi ka hre reng ang," tiin a sawi. 

Moore thlaktu tur Billy Hogan hi Liverpool-a managing director leh chief commercial officer hna chelh lai a ni a, Merseyside club-ah a mikhual lo. 

USA lama kir tur Moore chuan, "US-ah kum 30 chuang hun ka hman hnuin kum 2017 khan Liverpool-ah ka lo kir a, tawnhriat danglam bik tak a ni," tiin English club tana a hnathawh chungchang a sawi.



Share this Post

Login to comment
No Comments