Osaka-i'n US Open khel dawn

Naomi Osaka chu US Open-ah a inlan dawn, Japanese nulain tennis inelna lian a hmachhawn tur thu hi a team chuan an puang. Hmeichhe world number 1 Ashleigh Barty erawhin a inlan loh tur thu a sawi chiang ve tawh thung.

Covid-19 vangin March thla aṭang khan tennis inelna a la awm leh lo. August thlatir aṭang hian tournament ṭhenkhat chu an khel ṭan dawn a, hard court inelna lian ber US Open hi August 31 aṭanga khelh tur a ni.

Kum 22 mi Osaka hi Japan rama piang ni mah se US-ah a seilian a, ram pahnihah hian khua leh tui nihna a nei. 2018 khan Flushing Meadows-ah hian hlawhtlinna a lo chang tawh a, kuminah pawh rinkai zinga mi a ni phak ang.



Share this Post

Login to comment
No Comments