A tawpah chuan Hamilton bawk

Car intlansiakna sang ber Formula 1 season kal lai chu Pathianni zan khan a hmawr bawkna neih a ni a, driver champion Lewis Hamilton chuan kumina a vawi 11 nana hnehna chang chungin season a khar.

World champion vawi ruk ni tawh Hamilton hian Abu Dhabi GP an tlanna Yas Marina Circuit-ah a hmasa ber aṭangin bul a 

ṭan, inelna an neih chhung zawngin amah nek buai phak an awm lo.

Kum 34 mi Hamilton chuan, "Season tluanin ka team Mercedes ten min thlawp ṭha a, dinhmun hniam deuha ka awm dawn leh rilru a nguai chang pawhin nasa takin min chhawmdawl zel. 

"Driver champion ka nih theih avangin ka lawm a, a hmawr bawkna pawh a fuh. Chutihrualin team championship lamah pawh hnehsawh taka kan chungnung thei khan ka lawmna a ti zual," 

tiin a sawi.

Hamilton-a elpui ber ni ṭhin Sebastian Vettel-a'n Ferrari car a khalh hnuah world title a la thei rih lo, kuminah hian pangana ni chungin hun tawp a hmang - a teammate Charles Leclerc hnuaiah a awm hial.

German driver Vettel chuan, "Tun aia ṭha zawk hian inelna ka hmachhawn thei tih ka hria, tihsual ka neih tam tak pawh kha siamṭhat theih a nih ka ring bawk. Tunah chuan hmalam ka thlir ang a, nakkumah chuan tun aia ṭha hian inlan ka tum ang," a ti.

Abu Dhabi GP Results (top 10)

#DriverRamTeam

1Lewis HamiltonGBRMercedes

2Max VerstappenNEDRed Bull

3Charles LeclercMONFerrari

4Valtteri BottasFINMercedes

5Sebastian VettelGERFerrari

6Alexander AlbonTHARed Bull

7Sergio PerezMEXSportPesa

8Lando NorrisGBRMcLaren

9Daniil KvyatRUSRed Bull

10Carlos SainzESPMcLaren

Driver Championship (Top 10)

#DriverTeamPoints

1Lewis HamiltonMercedes413

2Valtteri BottasMercedes326

3Max VerstappenRed Bull278

4Charles LeclercFerrari264

5Sebastian VettelFerrari240

6Carlos Sainz Jr.McLaren96

7Pierre GaslyRed Bull95

8Alexander AlbonToro Rosso92

9Daniel RicciardoRenault54

10Sergio PerezRacing Point52



Share this Post

Login to comment
No Comments