Chhinga Veng an chung nung

Mizoram Premier League Season 8-ah Chhinga Vengin Nilaini zan khan coach thar coach thar Laldinthara hoa khel Chawnpui chu 5-2 in an hneh. Chhingcows tana goal hnih leh assist vawi hnih neitu C. Lalchungnunga chu man of the match a thlan a ni.

Chhinga Veng tan semifinal khel turin chak a ṭul a, bul pawh an ṭan ṭha. Zotuitlang rawlthar Chunga hian minute kuana lekah Ṭhasiama siamsak chu a khung a, Jonathan Lalhriatkima-a'n Chawnpui tan siphurh sut mah se first half-ah vek MC Malsawmzuala leh Lalsawmzela te hmangin Chhingcows-in an khung belh.

Second half-ah Chhinga Veng team ṭha zawk an ni chhunzawm a, Chunga'n minute 48-naah halfway line bul aṭangin Chawnpui defender Lalthlamuana (Tamu-a) tlan pelin goal-ah a khung zui bawk. Hemi hnu hi chuan chak tur a chiang tawh a, minute 60-naa Chawnpui midfielder C. Lalremruata  penalty khung chu scoreline tih mawina chauh a ni tawh.

Anand Gurung leh Lalremruata te kaihhruai team Chhinga Veng tan Ṭhasiama'n minute 76-naah a tawp a rawn khar. Chhingcows hian point 17 hmuin pathumnaah an awm a, Inrinni zanah anmahni ang bawka match hnuhnung bera chak Chanmari nen an inkhel tur chu semifinal luh nan a pawimawh ang.



Share this Post

Login to comment
No Comments