Steven Gerrard a 'cool'

Rangers boss Steven Gerrard chuan Scottish Premiership table chung ber luah mek mah se an fan-te chu phur lutuk lo turin a hrilh a, "October chauh a la nih hi," a ti!

Scottish Premiership match riat khelh tawhah Rangers hian table chung ber an luah mek a, an hnuai chiaha awm Celtic ai hian point hnihin an sang zawk. 

Rangers hian Old Firm derby-ah Celtic chu September 1 khan 2-0 in an ngam lo a, fan-te an nguai hle. Mahse, a hnua league match li an khelhah goal 17 khungin goal khat chiah an chhuah a, an chak vek. 

Gerrard chuan, "Match khelh tur kan la ngah em em a ni," tiin a chung bera awm chu lawm hun a la nih loh thu a sawi. 

Rangers hi 2010-11 season hnuah khan league-ah an champion leh tawh lo a, Liverpool legend Gerrard hian league nomawi a chawipui thei a nih chuan Rangers 'legend'-ah chhiar tel a ni tawh ang. 



Share this Post

Login to comment
No Comments