Thlipui vangin F1 dinhmun a chiang lo

Tunkar tawp hian Japan ramah Rugby World Cup leh Formuala 1 neih a ni dawn a, infiamna pawimawh tak pahnih hi thlipui tlehin a tih buai mai theih dinhmunah a ding mek.

Japan Meteorological Agency (JMA) sawi dan chuan, "Thli leh ruah sur nasa tak 'Typhoon Hagibis' chu tunkar tawp lam hian thleng thei a ni a, a lan dan chuan kumin chhunga thlipui thleng tawh zinga na ber a ni thei," an ti, harsatna thleng thei hi an tawrh ṭhin aiin a nasa dawn niin a lang.

Thlirlawk dan chuan typhoon hian Pathianniah Japan ram chhim thlang lama island pakhat Kyushu vel a nuai tura ngaih a ni. He thliarkarah hian Rugby World Cup-ah Inrinni hian Ireland leh Samoa an inkhel dawn a, Pathianni hian Wales leh Uruguay te an intum ve bawk ang.

Car intlansiakna sang Formula 1 hi Zirtawpni aṭangin Suzuka tlan kawngah an tlan ṭan dawn a, Pathianni thleng a awh ang. Suzuka khawpui pawh hi thlipuiin a nuai theih zingah a tel a, thlipui a thawk a nih chuan F1 pawh hian harsatna lian tham tak an tawk thei dawn a ni.



Share this Post

Login to comment
No Comments