Lyon-in coach an ban

Ligue 1 club Lyon chuan an coach Sylvinho chu a hna aṭangin an chawlhtir a, Gerald Baticle chu manager lailawk atan an ruat. 

Lyon hi Ligue 1 table-ah 14-na an ni mek a, match kua an khelh tawhah point kua chiah an la nei! Kum 45 mi Sylvinho enkawlna hnuaiah hian league match hnih chiah an chak a, vawi li an tlawm a, vawi thum an khingpui an inhnehtawkpui a ni. 

Player a nih laia Brazil tana vawi li inlan tawh Sylvinho hi Corinthians, Celta Vigo, Arsenal, Barcelona leh Manchester City tan pawh a lo khel tawh. 

Inkhelh a chawlhsan hnuah Roberto Mancini hnuaiah Inter Milan-ah assistant coach a ni a, Brazil-ah assistant a ni zui bawk. 

May khan a vawi khat nan first team coach ni turin Lyon hi a enkawl ṭan a, mahse a beisei ang erawhin thil a kal ta lo a ni.



Share this Post

Login to comment
No Comments