England squad aṭangin Delph a inhnukdawk

Euro 2020 qualifier-a Czech Republic leh Bulgaria nena inkhel tur England squad aṭangin Fabian Delph chu hliam vangin a inhnukdawk. 

Everton midfielder hi Premier League-a Burnley laka 1-0 a an tlawm ṭumin a inhliam a, Football Association chuan kum 29 mi hmun ruak luah tura player koh an tum rih loh thu an sawi. 

Hetihlai hian Man-chester United forward Mason Greenwood, Arsenal midfielder Reiss Nelson leh Wolves midfielder Morgan Gibbs-White te chu Slovenia leh Austria nena inkhel tur England Under-21 squad aṭangin hliam vangin an inhnukdawk ve bawk. 

England U21 coach Aidy Boothroyd chuan Swansea City-a loan-a khel mek Sam Surridge leh Ben Wilmot chu player pathum hmunruak luah tur hian a ko. 



Share this Post

Login to comment
No Comments