A sang pathum zingah Osaka

Women's Tennis Association chuan world ranking thar a ti chhuak a, tun hnaia rawn che ṭha leh mek Naomi Osaka chu pathumnaah a kai sang leh ta. Number 1 Ashleigh Barty erawhin a dinhmun ngai a la awh.

Season hmasa khan Osaka-i'n US Open nomawi chawi chungin kum tawp a hmang, season bul ṭanna Australian Open-ah a champion leh nghal bawk. Melbourne kawpui aṭanga a let hnuah erawh hlawhtlinna a chang zui hlei thei tawh lo.

Japanese nula hi ranking lamah pawh a tlahniam a, pakhatna aṭangin paruknaah te a tlahniam hman. Mahse, tun hnaiah rawn khel ṭha leh tawhin China leh Japan Open-ah te nomawi a chawi, Beijing khawpuiah phei hi chuan number 1 Barty chu final-ah a hneh a ni.

US Open champion Bianca Andreescu pawhin hma a sawn zel. Canadian nula hi China Open quarterfinal-ah Osaka hneh loin tla mah se last 16 thleng zo lo Simona Halep nek chhuakin pangana dinhmun a luah.



Share this Post

Login to comment
No Comments