NECS ADFA I Div League an ṭan

Nimin khan Aizawl DFA leh TṬ Royte 

ṭangkawpin an buatsaih NECS ADFA I Division League chu Lammualah khelh ṭan a ni a, match hmasa berah 1st MAP Academy leh nikum finalist Kanan FC te 2-2 in an inhnehtawk. Inkhel hnuhnung zawkah FC Bethlehemin ITI Veng club Youngstar United chu 1-0 in an hneh thung.

Vawiin chhun dar 12:00 hian MPL champion hmasa ber Dinthar FC chuan Sihphir Venghlun an hmachhawn dawn a, Maimawms hian tun inelna atana inpuahchah nan Champhaiah I Day Football khelin an champion. Tlai dar 2:00-ah MPL aṭanga tla hlim Bethlehem VT FC leh champion lai Aizawl FC Academy an inhmachhawn ang. Aizawl FC-in MPL an khelh avangin an academy hian Mizoram league sang ber hi an khel thei lo.



Share this Post

Login to comment
No Comments