Vettel a mangang rih lo

Sebastian Vettel chuan tun hnaiah beisei phak loin tihsual ngah viau mah se a mangan rih loh thu a sawi a, Ferrari driver hian ropui taka thawhchhuah leh theih a la inbeisei a ni.

Red Bull car a khalh laia world champion vawi li ni thei Vettel hian team ṭha zawk nia ngaih Ferrari a zawm hnuah a la champion leh lo, driver ṭha tena an khalh chak em em car sen nen a la ropui rih lo tihna a ni.

Formula 1 dan leh hraiah chuan thla 12 chhungin driver pakhatin penalty vawi 12 an nei tling a nih chuan intlansiak vawi khat tlan lo tura hrem theih an ni. Inelna hnuhnung ber Italian Grand Prix-ah khan midang a tipalh leh a, vawi thum dang a chesual leh a nih chuan hremna na tak hi a hmachhawn thei tawh dawn a ni.

Kum 32 mi Vettel chuan, "Theihna ka nei a, team ṭha tak ka nei bawk. Thil a kal fuh a nih chuan engtik niah emaw chuan hnehna ka la chang leh ang tih ka chiang a ni, a hun tur erawh sawi lawk theih a ni lo.

"Midang ka tihpalh leh ka chetsual fo avang erawh chuan hrehawm ka ti hle, infiamna khawvelah chuan ṭang taka inel kan nih avangin tih fuh tawk loh hi chu thil awm thei a ni. Tun hnaia ka chetsual fo avangin ka zam phah lo a, ka tho leh em em ang tih ka chiang," tiin a sawi.



Share this Post

Login to comment
No Comments