Paris-ah Schumacher an enkawl

Formula 1 driver hlawhtling ber Michael Schumacher chu a dinhmun a la ṭha thei lo. French chanchinbu pakhat Le Parisien chuan F1 legend hi Paris-a damdawi in pakhatah dah luh thar a nih thu an tarlang.

German driver hian intlansiak a chawlhsan hnuah pawh khawvel hmun hrang hrangah a la zinkual fo a, kum nga liam ta khan French ramah vur tawlhin an intihlim. He hmunah hian chesualin a luah hliam na tak a tuar a, nikhaw hre loin a awm zui ta ngar ngar a ni.

Thawhṭanni khan Paris chhim thlang lama Pompidou hospital-ah Schumacher hi dahluh a ni. French chanchinbu tarlan dan chuan he hmunah hian hun eng emawti chhung chu enkawlna a 

dawng ang.

Kum 50 mi Schumacher hian F1 a chamchilh chhung khan intlansiak vawi 91 zetah hnehna a chang a, driver championships-ah vawi sarih ngawt champion bawkin tun thlengin a record hi khum thei an la awm lo.



Share this Post

Login to comment
No Comments