FIFA 20 Ronaldo chungah Messi

Sports video games siam ṭhin EA Sports chuan September thla tawp lama tlangzarh tur FIFA 20 atan player rating sang zual hming 100 a puang chhuak a, Lionel Messi chu rating pek san ber niin a hnuaiah hian Cristiano Ronaldo a awm. 

Barcelona thiampuipa hi a rating chu 94-a tling a, a hnuai chiahah Ronaldo hian 93-a nei. Paris Saint-Germain striker Neymar chu 92 niin pathumnaah a awm a, Real Madrid forward thar Eden Hazard chu 91 pek a ni. 

Premier League player zingah Kevin de Bruyne (91) chu a sang ber a ni a, Virgil Van Dijk (90) leh Mohamed Salah (90) ten an dawt. 

Atletico Madrid goalkeeper Jan Oblak chuan 91 hmuin goalkeeper zinga rating nei sang ber a ni a, goakeeper zinga amah hnaih bertu Barcelona keeper Marc-Andre ter Stegen chu 90-a ni. 

Top 100 hi 85 rating nei pha chin ho an ni a, Mesut Ozil, Alexis Sanchez, Riyad Mahrez, Ivan Perisic, Diego Costa, Cesar Azpilicueta, Vincent Kompany, Gareth Bale, Andres Iniesta, Gonzalo Higuain leh Gianluigi Buffon hming a lang lo. 



Share this Post

Login to comment
No Comments