MFA head of referees Laldawngliana

MFA Referee Clinic

Mizoram Football Association chuan nimin khan Referee Clinic a buatsaih.

Referee-te inzirna tur leh intuaitharna hun hi Lammualah neih a ni a, tun hnaia football dan thar hrang hrangte zir a ni a, MFA head of referees Laldawngliana chu resource person a ni.

MFA Referee Committee-a vice chairman ni bawk Laldawngliana chuan referee-te chu football dan thar hre chiang tur leh MFA in dan thar a hman ruala inkhela a taka hmang nghal thei turin a chah a, fitness ngai pawimawh a, hriat belh tur thilte chhiara hmasawn tum zel turin a fuih. 

MFA Referee Committee chuan referee-te hmasawnna turin ruahmanna hrang hrang a siam a, Mizoram Premier League Season 8 ṭan hmain referee fitness test an kalpui leh ang.



Share this Post

Login to comment
No Comments