Vanglaini - Hmarchhak

KHAWTHLIR

Zoonosis Day

Nimin khan Mizorama a vawi khat nan Health Services directorate conference hall-ah World Zoonosis Day hman a ni a, Health & Family Welfare Department Board vice chairman ZR Thiamsanga, MLA-in a hmanpui. Dr ZR Thiamsanga chuan, Zoonosis natnate chungchangah theihtawp chhuaha hma la zel turin sorkar a inhuam thu a sawi. World Zoonosis Day hi July 6-ah hman ṭhin a ni a, kuminah holiday a nih avangin nimin khan Integrated Disease Control Programme huaihawtin hman a ni.

Thisen pe

Sateek Branch KṬP chuan nimin khan State Referral Hospital blood bank-ah blood donation camp an huaihawt a, mipa 25 leh hmeichhia pakuate'n thisen unit 34 an pe.

Zirlai chawimawi

Kolasib-a Salvation Army Hostel for the Blind-a chêng, mit lama harsatna nei zirlai, an

zirnaa ti ṭhate chawimawina hun vawiin khan an sikulah buatsaih a ni a, Kolasib bialtu MLA K

Lalrinliana, minister-in a hmanpui. Inkhawmah hian HSLC 2019 leh HSSLC 2019-a distinction leh first division-a pass zirlai panga hnenah chawmawina an hlan. The Salvation Army Home for the Blind hi April 15, 1977-ah hawn a ni a, zirlai khaw hmu lote a thlawnin chaw leh riahna an pe a ni.

MCSA hruaitu

Mizoram Civil Service Association (MCSA) chuan tun hnai khan kum 2019-2021 chhunga an pawl office bearer turte an thlang a; president-ah K Laldingliana, vice president-ah Florence Zotluangpuii, general secretary-ah

H Lalhmingthanga,

assistant general secretary-ah Lalrohlua, treasurer-ah H Lalchhandami, finance secretary-ah H Lalrinpuia te an thlang.

DC-in enfiah

Kolasib DC Zoengsanga chuan nimin khan Kolasib District Hospital a tlawh a, an dinhmun a zir chiang. Kolasib DC chuan, doctor-te hna chu mipui nena inkungkaih tlat a nih avangin mipui thleng phâk rawngbawlna chu inpekna thinlung nena thawh a pawimawh thu a sawi a, "Damlo enkawlna kawngah dawhtheih a ngai a, ṭawngkam nêm hi damlo tana dampui tham

a tling," a ti.

Manipur-ah NSCN-IM tawmbuk chhuhsak

Assam-ah hmeichhe bazar hawng

Manipur-ah Meth leh opium tam tham tak man

Tripura: BJP leh CPI(M) inkarah buaina chhuak

Nagaland BJP-in Member thar nuai 2.5 neih tum

Tripura HC-in brick siamna hmun 393 khar tir

Assam : Food poisoning vangin mi 150 an damlo

Monday, 8th July 2019

Manipur : Loneituten sorkar lakah Lungawi lohna an lantir

AP-in state-of-the-art sports academy pathum nei dawn

IIT-Guwahati Director tharin hmarchhak hmundangah Extension Centre hawn belh tum

Tripura in kawngpui siamna atan Rs. vbc. 358. dawng

Meghalaya College zirtirtuten St. Edmund's thuneitute lakah FIR thehluh