Meghalaya-ah ruihhlo Rs vbc 4 hu man

Meghalaya police-te chuan Pathianni zing khan Mawryngkneng-ah night bus aṭangin heroin gram 930 an man a, a neitua nia sawi Manipur lam mi, Veinethem Haokip pawh an man nghal bawk. 

East Khasi Hill police anti-narcotics task force (ANTF) chuan bus chhunga bag pathum aṭangin ruihhlo hi an man a, sahbawn bawm 80-ah dah an ni tih an sawi. Heng ruihhlo dahna bag hi bus-a thawmhnaw dahna cabin chhunga bawm siam rûkah dah a ni tih an sawi. East Khasi Hill SP Clauida Lyngwa chuan an ruihhlo man hi cheng vaibelchhe 4 - 4.5 man a nih thu a sawi a, 

ṭum khata ruihhlo an man tam ber a ni bawk. 

SP chuan ruihhlo an manna super night bus chhungah hian thil thuhrukna tur, secret cabinet siam a ni tih sawiin, an state-a service bus dangah pawh hetiang hi a awm a rin thu a sawi. Hetiang hmang hian ruahmanna fel tak hmangin an state-ah ruihhlo an lo tawlhru ṭhin a ni, a ti. Ruihhlo hi Myan­mar lam 

aṭanga kal nia a rin thu leh, hmarchhak state dangte pawh ruihhlo rawn lut tur dang tura thawhpui an duh thu a sawi. 



Share this Post

Login to comment
No Comments