Mukul Sangma-a'n BJP a zawm lo tih a sawi

Meghalaya chief minister hlui, Congress hruaitu Mukul Sangma chuan media report ṭhenkhatin BJP a zawm nia an sawi chu thu dik lo a ni tih a sawi. 

Mukul Sangma leh a chhungten BJP an zawm nia sawi chungchanga zawhna chhangin, Sangma chuan thuthang dik lo a nih thu leh, hetianga dawt thu theh­­darhtute hian Congress chanchin an zir­chian leh a ngai a ni, a ti. Sang­ma nu­pui Dikkanchi D Shira, a unaupa Zenith M Sangma leh a fanu Maniani Dalbo Shira-te chu Cong­ress MLA vek an ni. 

Sangma chuan, "PA Sangma'n NCP din tura Congress a chhuah­san lai pawh khan party hi ka chhuahsan ve lo," tiin, hetianga thu dik lo thehdarhtute hi chhui chiang turin Meghalaya police-a cyber crime cell a ngen thu a sawi bawk. 



Share this Post

Login to comment
No Comments