Prime Minister Office (PMO) chuan hmar­chhaka telecom infrastruc­ture kalpui hun tawh tak tihkhawtlai a la ni chu an ngaih thutak thu a tarlang.

PMO chuan chak zawka project kalpui dan tur kawng a kawhhmuh nghal bawk a, heta tan hian cheng vaibelchhe 5,300 vel thleng rua­hmanna siam nghal a ni.

Hmarchhaka telecom project hi thuam chak a ngai hle nia tarlan a ni a, thingtlang khaw 8,621 vel zet chu network transmission thlentir a ngai. Hemi atan hian Aru­nachal Pradesh, Assam, Manipur, Me­ghalaya, Mi­zoram, Nagaland, Sikkim leh Tripura-ahte chuan mobile tower site 321 dah belh a ni tih an tarlang.

Hetihlai hian BSNL leh sorkar agency dang­ten project an tender chu Arunachal Pradesh leh Assam-a district pahnihahte chuan hma­sawnna tlem hmuh tur a awm a, hemi atan hian cheng vaibelchhe 2,250 an seng. Heng project review-na hi PMO principal secretary chuan a neihpui a ni. 

PMO chuan Supreme Court-in hemi chung­changa petition a thehluh chu a stay loh avangin hmarchhaka telecom in­frastructure project kal­pui tihkhawtlai chu a pum­pelh theih a ni, a ti.

Hemi chungchang hi Digital Communications Commission (DCC)-in thutlukna a siam dawn a, nimin khan meeting an nei nghal bawk.

September 2014-ah daih tawh khan Ca­binet chuan telecom infrastructure project atan hian ruahmanna a siam tawh a, mahse chhan hrang hrang vangin hna hi an kalpui chak lo hle a ni. 

Share this Post