Assam-Nagaland Ramri-ah NSCN(IM) hel man

Assam Rifles leh Assam police ṭangkawpte chuan Pathianni khan Assam leh Nagaland inrina ramri-ah National Socialist Council of Nagaland- Isak Muibah (NSCN-IM) area co­mmander an man.

Defence official-te chuan an hel man hi self styled Major Anok Wangsa a nih thu an tarlang nghal a, Longding-Charaideo-Mon region area commander a ni tih tarlan a ni bawk.

Security force-te hian Pathianni zing hma takah khan ramri-a inlambunna thlen theihna hmun nia an hriatte chu uluk takin an dap a, zing dar 3.30 velah lirthei tlan an hmuh chu chhuizuiin Anok Wangsa hi an man ta a ni.

Lirthei-ah pawh hian ralthuam eng emaw zat an man bawk a, Anok Wangsa hian Assam leh Nagaland inrinaa a chenna inah ralthuam eng emaw zat a la dahṭha tih a sawi bawk. 

Hemi hnu hian a in chu an dap lehnghal a, AK-56 rifle, pistol 

ṭhahnem tak leh cheng nuai nga an man zui. 



Share this Post

Login to comment
No Comments