NPMSA-in nawrh huaihawt


Nagaland State Planning Machinery Service Association (NSPMSA) chuan sorkar laka an thil phut hrang hrang nawrna atan nimin aṭang naktuk thleng hna thawk loin, pen-down strike an huaihawt.

Thawhṭanni khan press confe­rence neiin, NSPMSA president Imlikokba Longkumer chuan an association thil phut hi state sorkar­ah an thehluh thu a sawi. NSPMSA hian Nagaland Planning Machinery Service Rule, 2019-a schedules I leh II-a cadre post aṭangin OSD (skill development) post paih an phut a ni. 

Longkumer chuan an state sorkar hian an thil phut hi an ngaihsak loh thu sawiin; an association chuan ziaka intiamkamna an duh, a ti. Gauhati High Court-in kum 2013, 2016 leh 2017-a OSD (SD) leh additonal development commissioner (ADC) te hi cadre hran, duty leh function hran an ni a, transfer theih an ni lo tih thupek a siam chu state cabinet-in a zawm duh loh avangin association member-te rilru pawh a na hle tih a sawi. 

Court thupek zawm loin, kum 2017 September 12-a cabinet meeting chuan, OSD (SD) post hi regular post a nih tur thu leh ADC nen an pay a in ang tur thu hi an lo sawi tawh a, state planning machinery-a planning leh coordination department-ah telh a nih tur thu an lo sawi tel bawk.



Share this Post

Login to comment
No Comments