Meghalaya Chief Minister-in Nongstoin College-a building sak thar a hawng

Meghalaya chief minister Conrad K Sang­ma chuan Nilaini khan Nongstoin College-a building sak thar chu a hawng. He college hi kum 1978 a din a ni a, West Khasi Hills district, Meghalaya a awm a ni. North Eastern Hill Uni­versity (NEHU) hnuaia awm (affilate) an ni bawk.

Nongstoin College-a building sak thar hi Rash­triya Uchchatar Shiksha Abhiyan (RUSA) leh Mi­nistry of DoNER, Govern­ment of India-te fund 

aṭanga sak a ni a, cheng vaibelchhe 4.5 senga sak a ni. Academic block, boys hostel, library leh archive-te, classroom thar leh recreation room-te siam a nih bakah, fund hi college campus zauh nan leh college auditorium tihchangtlun zelna tur atan a ruahman a ni.

"Sorkar-in a ngaih pawimawh ber chu zirna hi a ni a, Education Policy-in a tum hmasak fo ṭhin chu chona thar hmachhawn leh zirna in ṭha leh changtlung neih hi a ni. Kan hmasawnna ruhrel ber kan zirtirtute'n harsatna hrang hrang an tawh ṭhinte hi ti ziaawm turin hmalakna thar ṭha zawk hmanga hmalak a ni ang," tiin CM Conrad K Sangma chuan building sak thar hawnnaah hian a sawi.

Meghalaya CM-in Nongstoin-a tlawh pah hian PHE leh PWD department official-te review meeting a neih pui nghal bawk. 



Share this Post

Login to comment
No Comments