Meghalaya EKH-a hmun 19-ah lei a min

Meghalaya-a East Khasi Hills-ah tunkar chhungin leimin report 19 a awm tawh tih tarlan a ni. Hmun ṭhenkhatah chuan tui a len bakah thing­kungte pawh a tlu nasa hle tih report a ni bawk.

District Disaster Ma­nagement Authority (DDMA) Chief Executive Officer, Ms I Majaw chuan Nilaini khan hemi chungchang hi sawi chhuakin- Sohryng-kham, Mawlyngngad, Jyntah, Lumparing, Nongmensong leh Pynthorumkhrah-ahte heng chhiatna hi a thleng tih a sawi.

Retaining wall chim mai turte pawh a la awm nia sawi a ni bawk a, NEHU bul Umshing-ah chuan footpath a chhe bawk. Mawlai Mawiong-a MLP 1st Battallion-ah pillar pakhat a tlu bawk a ni. 

Pynthorumkhrah-Nongmensong-ah tui lian report a awm bawk. District Disaster Management thuneitute chuan Nilaini khan meeting nei nghalin hmalak dan tur hrang hrang an sawi ho. 



Share this Post

Login to comment
No Comments