Ayodhya Prasad Khatri Smriti Award dawng turin Dr Nabam an thlang

Arunachal Pradesh mi, Dr Joram Yalam Nabam chu a lehkhabu ziah Jung­lee Phool avangin '12th Ayodhya Prasad Khatri Smriti Award -2019' dawng tura thlan a ni. He chawimawina dawngtu tur hi member pathum awmna, selection committee-in an thlang a, member-te chu Dr Veer Bharat Talwar, Prof Ravinder Kumar Verma leh Viren Nanda-te an ni. 

Dr Nabam hi hmar­chhak bial aṭanga lite­rature lama hetiang award la thei hmasa ber a ni a, Junglee Phool hi a novel ziah hmasa ber a ni bawk. Dr Joram novel-ah hian Arunachal Pradesh rama 'Abotani tribe' folk dance leh an nun dante ziah lan a ni deuh ber. 'Abo' tih awmzia chu Pa (father) tihna a ni a, 'Tani' tih awmzai chu mihring (human) tihna a ni bawk.

A lehkhabu thupui (title) a 'Junglee' hian a sawi tum chu, "Nature nen a nun ho, nature nen a kal rual leh thawh ho, pangparte nen a nui ho, lui luang rite hla sak ngaihthlak leh midangte thinlung chhungril ngaihthlak," tihte a ni. He kan hringnun a harsatna hi tlang chhengchia nen a tehkhin a, chuta kal leh hlauhnate hmachhawn ngam turin a lehkhabu hian mi a fuih. 

Award hi November thla hian  Muzaffarpur, Bihar-ah hlan a ni ang. He award hi Hindi lite­rature-a ziaktu hming­thang 'Ayodhya Prasad Khatri' hriatreng nana siam a ni. 



Share this Post

Login to comment
No Comments