UNSC-in debate buatsaih

Arunachal Pradesh home minister Bamang Felix chuan Thawhṭanni khan inthlan kaihhnawihah thubuai 185 ziahluh a nih thu a sawi.

Arunachal hian April 11 khan Lok Sabha leh Assembly inthlan an hmachhawn a, hemi kaihhnawihah hian thubuai 185 ziahluh a ni tih hi Bamang Felix hian Assembly-ah a sawi a ni.

BJP MLA Lokam Tassar zawhna chhang­in Felix chuan thubuai ziahluh zawng zawng zinga 25 hi Koloriang constituency-a ziahluh a nih thu a sawi. Hetihlai hian Pakke-Kessang, Shi- Yomi, Upper Siang, Lohit, Anjaw, Dibang Valley leh Lower Dibang Valley district-ahte chuan thubuai engmah ziah luh a ni lo thung. 

Home Minister chuan inthlan kaih­hnawihah hian inthahna ṭum li a thleng tih a sawi bawk a ni.

Bill panga pharh

Hetihlai hian Arunachal Pradesh sorkar chuan Thawhṭanni-a Assembly session-ah khan bill panga a pulut a, heng zingah hian Lok Ayukta amendment bill pawh a tel.

Blaming Felix hian state Lokayukta Act 2014 siamṭhatna tur Lok Ayukta Amendment Bill 2019 a pharh a ni. Chief minister Pema Khandu chuan GST Act 2017 kalpui mek siamṭhatna tur Arunachal Pradesh Goods and Service Tax (Amendment) Bill 2019-a pulut ve bawk. Town planning and urban local body minister Kamlung Mosang chuan municipal corporation kaihhnawih Arunachal Pradesh Municipal Corporation Bill, 2019 a pulut ve thung a ni.

Education minister Taba Tedir leh health minister Alo Libang-te chuan Arunachal Pradesh State Higher Education Council Bill 2019 leh Arunachal Pradesh Protection of Medical Service Personnel and Medical Service Institution (Prevention of Violence and Damage or Loss of Property) Bill 2019 an pulut ve bawk.



Share this Post

Login to comment
No Comments