Chief Minister Conrad Sangma-a'n Meghamart website a tlangzarh

Thawhṭanni khan Megha­laya chief minister Conrad K Sangma chuan a office-ah Meghamart website (Meghamart.com) a tlangzarh a, hetah hian Young Leaders Connect (YLC) co-chair paruk, Larsing Sawyan- members of YLC, local entrepreneurs leh official-te an tel.

Chief minister Sangma chuan he website hi state chhung entrepreneurial ecosystem tih hmasawnna tur a nih thu sawiin, entrepreneurs-te'n an thil siam awlsam zawka an zawrh chhuahna atan thil ṭangkai tak a ni dawn tih a sawi. Sorkarin Procurement Policy a siam thuai dawn a; sorkar, military, paramilitary leh private organisation-te'n an thil mamawh 20% chu heng entrepreneur-te hnen aṭang hian an lei thei dawn niin a sawi bawk.

 Meghamart.com hi Meghalaya sorkar-in Institute of Meghalaya Entre­preneurship (MIE) kaltlanga a siam a ni. He website-ah hian online register-te, state enterprise list leh an thil siam te a awm. Bungraw leituten an thil hriat duhte an zawh zung zung theih nan a zuartute nen he website kaltlang hian an inbe thei dawn a, mahse a zuartute website-ah hian an in-register hmasak phawt a ngai thung. MIE hian theme neiin 'Made in North East' leh 'Made in Meghalaya' tih hmangin state chhung sumdawngte leh entrepreneur-te zau zawka an inphochhuah theih nan digital platform an buatsaih ṭhin.

 Meghamart hi chief minister Sangma-a'n state chhung enterprise leh entrepreneurship-te chawisawn nan leh tih­hmasawn nan a hmalakna a neih zinga pakhat a ni. 



Share this Post

Login to comment
No Comments