Tripura in kawngpui siamna atan Rs. vbc. 358. dawng

Tripura sorkar chuan kawngpui siamna tur project atan sorkar lai­pui aṭangin cheng veibel­chhe 358 an dawng tih Zirtawpni liam ta khan official-te chuan an sawi.

CMO office thuchhuah siamah chuan Tripura chief minister Biplab Kumar Deb chuan Prime Minister Narendra Modi chu June 15 khan hmuin rural area-a kawngpui siamna tur project hi a dil tih an tarlang.

Chief Minister hian project rei tak thawh zawh theih loha awm chu zawh a nih theih nan sum hi a dil belh tih an tarlang bawk. Sorkar hmasa Left sorkar khan fund nei loin project hi an thawk tih tarlang bawkin, hemi a nih avang hian project chu chhunzawm theih a ni ta lo tih an tarlang a ni.

CMO office chuan kar liam ta Thawhlehni khan pawisa hi an dawng tawh tih an tarlang bawk. 



Share this Post

Login to comment
No Comments